FIONA FERNANDEZ I iMINDSPHILIPPINES
Timbog ang isang bente kwatro anyos na karpentero matapos ikasa ng mga otoridad ang buy-bust operation sa Purok Rajamuda, Mother Barangay Bagua, Cotabato City kahapon ng Martes, November 1.
Sa report mula sa Cotabato City Police Sation 4, kinilala ang suspek sa alyas na Benzar na residente ng Purok Warda, Barangay Katuli, Sultan Kudarat, Maguindanao.
Nabilhan si Alyas Benzar ng iligal na droga ng isang undercover agent na nagpanggap bilang poseur buyer.
Photo courtesy : CCPO 4
Nakumpiska sa pag-iingat nito ang dalawang pakete ng hinihinalaang Shabu na nagkakahalaga ng 680,000 pesos, improvised glass tooter, apat na genuine fifty peso bill, buy-bust money at isang pump boat na ginamit ng suspek sa transaction nito.
Sa ngayon, nahaharap si Alyas Benzar sa kasong paglabag sa RA 9165 o Comprehensive Dangerous Drugs Acts of 2002.
Ikinisa ang naturang operasyon ng mga elemento Regional Drug Enforcement Unit-BAR, Police Station 4 at City Police Drug Enforcement Unit -Cotbatao City Police Office.
End