Kate Dayawan | iNEWS Phils | March 22, 2022
Photo courtesy : PCADG Region 12
Cotabato City, Philippines - Sa bisa ng warrant of arrest, naaresto ang Top 23 Most Wanted Person ng Esperanza, Sultan Kudarat, sa isinagawang operasyon sa Barangay Poblacion ng bayan noong araw ng Biyernes, March 18.
Kinilala ang suspek na si Jake Rayan, 40 anyos, magsasaka at residente ng Gawad Kalinga, Barangay Poblacion, Esperanza, Sultan Kudarat.
Ang suspek ay may warrant of arrest dahil sa kasong paglabag sa RA 9165 o Comprehensive Dangerous Act of 2002 na inisyu Presiding Judge Benison Mantos Mahawan ng Branch 19, RTC 12, Isulan, Sultan Kudarat na may inirekomendang piyansang nagkakahalaga ng Php200,000.00.
Nakapiit na ngayon ang suspek sa Esperanza Municipal Police Station at nakatakdang iharap sa korte na nag-isyu sa kanya ng warrant of arrest.
End.