Kate Dayawan | iNEWS Phils | February 28, 2022
Photo courtesy : PNP PRO-BAR
Cotabato City, Philippines - Kalaboso ang Top 8 Regional Level Most Wanted Person ng Regional Highway Patrol Unit 8 sa Tawi-Tawi matapos na matagumpay na maisilbi ang warrant of arrest nito ng pinagsanib na pwersa ng Tawi-Tawi Police Provincial Office, Tawi-Tawi PFU, Criminal Investigation and Detection Group, Regional Intelligence Unit 9 at AFP sa CHAN-C MINING Company, Barangay Maraning, Languyan noong Biyernes, February 25.
Sa report mula sa Tawi-Tawi PPO, ang suspek na si alyas Nicol ay inaresto dahil sa kasong Carnapping na inisyu ng Presiding Judge ng Regional Trial Court, 8th Judicial Region, Branch 14, Bay Bay City, Leyte noong February 12, 2019.
Bukod dito, mayroon din itong warrant of arrest dahil sa kasong Double Homicide with multiple Physical Injuries na inisyu rin ng RTC 4th Municipal Circuit Trial Court 9th Judicial Region, Siocon, Zamboanga Del Norte noong July 16, 2018.
Agad na dinala ang suspek sa CIDG Tawi-Tawi PFU para sa dokumentasyon at wastong disposisyon.
Pinuri naman ni PBGen. Arthur Cabalona, Regional Director ng PRO BAR, ang mga operatiba na nasa likod ng matagumpay na operasyong ito dahil sa kanilang pagsisikap na ipagpatuloy ang manhunt and surveillance operations laban sa mga wanted person.
End.